नाउपाले लुम्बिनी सरकारलाई दिएको समर्थन पनि फिर्ता

असार २२, २०८२ | आइतबार काठमाडौं | नागरिक उन्मुक्ति पार्टी (नाउपा) ले लुम्बिनी प्रदेश सरकारलाई दिएको समर्थन फिर्ता लिने निर्णय गरेको छ। आइतबार बसेको प्रदेश संसदीय दलको बैठकले औपचारिक निर्णय गरेको हो। किन फिर्ता गरियो समर्थन? संसदीय दलका नेता धर्मबहादुर चौधरीले सरकारले पार्टीलाई उपेक्षा गरेको, बजेट निर्माणमा सल्लाह नगरेको र निरंकुश शैलीमा अघि बढेको भन्दै असन्तुष्टि जनाए। उनले भने: “सरकारले हाम्रो मागहरू बेवास्ता गर्‍यो, बजेटमा समेटेन, र निरंकुश शैलीमा अघि बढ्दै गएकाले समर्थन फिर्ता लिएका हौं।” तीनै तहको समर्थन फिर्ता यससँगै नाउपा संघीय सरकार, सुदूरपश्चिम प्रदेश र अब लुम्बिनी प्रदेश सरकारबाट पनि समर्थन फिर्ता लिइसकेको छ। नाउपाले यसअघि सुदूरपश्चिममा मन्त्री रामेश्वर चौधरीलाई दादागिरी शैलीमा बर्खास्त गरेको भन्दै असन्तुष्टि जनाउँदै संघ र प्रदेश दुबैबाट समर्थन फिर्ता लिएको थियो।